Seus sa prus truma antiga de arrepadoris de Sardìnnia, nàscia in su 1991. Oindii sa formatzioni est custa: dr.drer (rimas, mutetu, computadora, boxi), Alex P. (computadora, sintetizadoris, scarràfius), Riccardo "Frichi" Dessì (bàsciu, fueddus, boxi), Giorgia Loi (boxi), Mauro Mou (boxi), Giuanni Siccardi (boxi). Eus prodùsiu cincu discus ("Love and Peace de Casteddu" in su '93, "AJÒ!" in su '99, "Sega sa cadena" in su 2005, "In sa terra mia" in su 2010 e "Cosa bella frisca" in su 2012) e eus fatu unu muntoni de cuncertus, festas e sound system. Sonadoris imprendaus de diora in su sotziali, eus fatu de s'impreu de su Sardu in sa mùsica avedali una bandera chi portaus cun fieresa e pensaus chi siat pretzisu po un'artista "sardu" s'imperu de sa lìngua sarda. In su mesi de Cabudanni de su 2009 eus bintu su SUNS in Udin. In su mesi de Ladàmini de su 2009 eus bintu su LIET - Festival Europeu de Mùsica in is Lìnguas de Minoria.